Эҳтиёт бўлинг! Коронавируснинг янги тўлқини бошланди!

Дунё коронавирус пандемиясининг янги тўлқини бошланишининг арафасида турибди. Бу ҳақда ЖССТ бош директори Тедрос Аданом Гебрейесус маълум қилди.

«Ҳозирда учинчи тўлқиннинг илк босқичидамиз», — деди у.

Гебрейесус 10 ҳафталик пасайишдан сўнг ўлим ҳолатлари ўсганига эътибор қаратди.

Унинг сўзларига кўра, коронавируснинг «дельта» варианти касаллик юқиши кўрсаткичлари ўсишининг асосий омили ҳисобланади.  

ЖССТ бош директори ҳиндча штамм дунёнинг 111 мамлакатида қайд этилганини таъкидлади.

Коронавируснинг ҳиндча мутацияси ёки «дельта» штамми март ойида Маҳараштра штатида аниқланганди.