«Геморрой касаллиги ҳақида ҳам маълумот берсангиз...»

Баҳодировна

Саволга оила шифокори Маҳфуза Ниғматуллаевна жавоб берди.

Геморрой-бавосир касаллиги деб ҳам аталади. Унда тўғри ичакнинг пастки қисми, хусусан, орқа чиқарув йўли веналари яллиғланиб, тугун-тугун бўлиб кенгаяди. Касалликнинг келиб чиқишига, аввало, ирсий мойилликни келтириб ўтиш керак. Шунингдек, нотўғри овқатланиш, қабзият, узоқ вақт бир жойда ўтириб ишлаш, стресс, семизлик ҳамда ички аъзоларнинг турли касалликлари сабаб бўлади.

Орқа чиқарув йўлида оғриқ, ачишиш, қичишиш каби нохуш белгилар кузатилади. Касаллик вақтида даволанилмаса, тугунлар қонаб, катталашиши мумкин. Бавосирни даволашда шифокор тавсияси асосида ванна қабул қилиш, орқага оғриқ қолдирувчи шамча қўйиш тавсия этилади ва, албатта, беморга парҳез буюрилади. Агар касаллик тез-тез безовта қилиб, оғриқ, қон кетиш ҳолатлари кўп кузатилса, оператив даво қўлланилади.