Кўпинча ёш болаларнинг оғиз бўшлиғида, асосан милкида майда пуфакчалар, яъни стоматитларга кўзимиз тушади. Буни қарангки, катталарда оғиз бўшлиғининг яллиғланиш касаллиги томоқда стоматит кўринишида намоён бўлар экан.
Стоматитда энг катта ёрдам - бу оғриқсизлантириш. Бунинг учун энг кенг тарқалган оғриқ қолдирувчи препаратларга мурожаат қилиш керак.
Дори воситалари топилмаган вазиятда эса, қанчалик ғалати эшитилмасин, музқаймоқ истеъмол қилиш керак. У стоматитда яхшигина оғриқсизлантирувчи таъсирга эга. Биз доим оғриқли жойни иситишга ўрганган бўлсак-да, совуқ ва ёқимли таъм оғиз бўшлиғи касалликларининг енгилроқ ўтишига ёрдам беради.
Парҳез ҳақида ҳам унутмаслик даркор. Айниқса, қайноқ, аччиқ ёки нордон егуликлар билан оғриқли оғиз бўшлиғингизни "қийнаманг".