Қиш фасли келганда, совуқ ва узун тунлар кўпинча одамларни уйда қолишга мажбур қилади. Бу эса кўпроқ овқат ейиш ва жисмоний фаолликни камайтиришга олиб келиши мумкин. Натижада, семириб кетиш хавфи пайдо бўлади. Бироқ, қишда семириб кетмаслик учун баъзи оддий қоидаларга риоя қилиш кифоя. Тўғри овқатланиш, мунтазам жисмоний машқлар ва соғлом турмуш тарзини сақлаш орқали семиришнинг олдини олиш мумкин. Келинг, қишда соғлом бўлиш учун нимага эътибор беришимиз кераклигини кўриб чиқайлик.

Тез-тез овқатланинг

Бир кунда уч марта эмас, беш марта енг. Лекин оз-оздан ва ўйлаб: порсия муштингиз ўлчамида ва фақат мураккаб углеводлардан ташкил топмаган бўлиши керак.

Шунда сиз кун давомида ўзингизни оч ҳис қилмайсиз ва шоколад, пишириқлар билан тамадди қилишни камайтирасиз.

Кун давомида кўпроқ суюқлик ичинг

Чанқоқни кўпинча очлик деб қабул қилишади — ва ейишади, лекин аслида бир пиёла сув ичишни хоҳлаган бўлишади. Овқатланишни айнан ундан бошланг — у керагидан ортиқча ейишга имкон бермайди.

Олтидан кейин енг

Парҳезшуносларнинг фикрича, кечки овқатни яхшиси ухлашдан тўрт соат олдин еган ма’қул — шунда организм овқатни ҳазм қилишга улгуради. Лекин агар сиз соат 22.00 да эмас, масалан, 1.00 да ухлашга ёцангиз, у ҳолда сиз бу вақтгача оч қоласиз ва ярим тунда овқатланишга мажбур бўласиз.

Қўлларингизни иш билан банд қилинг

Кечқурун телевизор қаршисида ўтирганингизда, ўзингиз сезмаган ҳолда ортиқча ширинликлар ёки ёнғоқлар еб қўйишингиз мумкин. Шунинг учун қўлларингизни егуликлардан ташқари бошқа бирон-бир иш билан банд қилинг: тўқинг, кашемир свитерингиздаги юмалоқчаларни олиб ташланг ёки ўзингиз хоҳлаган иш билан шуғулланинг.