Кўзларимиз ҳар доим оз миқдорда суюқлик ажратиб туради, бу эса кўзнинг қуриб кетишини олдини олади ва шиллиқ қаватни тозалайди. Аммо баъзан кўзлар ортиқча ёш тўкишини бошлайди. Агар кўзларингиз тўсатдан кўп ёшлана бошласа, бу кўзларингизда бирон бир муаммо борлигини билдириши мумкин.

Кўз ёшланишининг кучайиши ва узоқ давом этиши бир нечта омилларга боғлиқ бўлиши мумкин:

B2 витамини ва бошқа микроэлементларнинг етишмаслиги;

ЎРВИ ёки бошқа шамоллаш касалликлари;

Кўз инфекциялари.

Бундан ташқари, контакт линзалари узоқ муддат давомида тақилганда ёки улар эскирганида, шунингдек, уларнинг гигиенасига риоя қилмасликда ҳам кўзда ёшланиш кузатилиши мумкин. Сифатсиз косметика воситалари, масалан, туш ёки тен, кўзларда яллиғланиш ва ёшланишни келтириб чиқариши мумкин. Баъзи инсонларда ўсимлик гулчанглари, чанг ёки кимёвий моддаларга аллергия бўлиши мумкин, бу эса кўзларга таъсир қилади.

Агар кўзларингизда ортиқча ёшланиш ёки бошқа ноқулайликлар бўлса, бу муаммоларни бартараф этиш учун баъзи чораларни қўллаш зарур. Масалан:

Кўзларни ҳимоя қилиш, шамол ёки қуёшдан сақланиш;

Контакт линзаларни олиб ташлаш ва уларнинг гигиенасига эътибор қаратиш;

Офтальмолог билан маслаҳатлашиб, махсус томчилардан фойдаланиш;

Мойчечак, седана ёки календула қайнатмаси билан кўзларни ювиш;

Шунингдек, юқумли касалликлар мавжуд бўлса, даволашни ўзбошимчалик билан уйда амалга оширмасдан, офтальмологга мурожаат қилиш зарур.