Бош оғриғи — инсон ҳаётида энг кенг тарқалган ва ноқулайлик туғдирувчи ҳолатлардан бири. Бош оғриғи кўпинча кучли ноқулайлик, чарчоқ, стресс ёки бошқа саломатлик муаммоларининг белгиси бўлиши мумкин. Бироқ баьзида организмнинг чуқурроқ муаммолари ҳақида сигнал беради. Оғиз бўшлиғи касалликлари, айниқса тиш ва милк яллиғланишлари, бош соҳасидаги нерв толаларига таьсир қилиб, бош оғриғини келтириб чиқариши мумкин.

Кариес

Кариес — оғиз бўшлиғининг энг кенг тарқалган касалликларидан бири бўлиб, тиш эмали шикастланганда бошланади. Кариесни вақтида даволамаслик ёки нотўғри даволаш бош оғриғига олиб келиши мумкин. Зарарланган тўқималар атрофидаги соғлом ҳужайраларни яллиғлантириб, касаллик нерв толаларигача етиб боради, бу эса бош оғриғини келтириб чиқаради.

Нотўғри тишлам

Нотўғри тишлам эса фақат эстетик муаммо бўлиб қолмай, тишлар ва бутун тана саломатлигига таьсир қилади. Aгар ортодонтга мурожаат қилинмаса, пастки жағ, оғиз мушаклари ва бўғимларда оғриқлар пайдо бўлади, бу эса умуртқа поғонаси ва таянч-ҳаракат тизимига зарар етказади.

Aгар оғизни очиб ёпиш вақтида қирсиллаган товуш эшицангиз ёки овқатни чайнаш ёки ютишда қийинчилик туғилса, ортодонтга мурожаат қилишни кечиктирманг. Яқинда тиш олган бўлсангиз ва имплант ўрнатишга тайёргарлик кўрсангиз, бу ишни ўз вақтида амалга ошириш керак, акс ҳолда қолган тишлар ўрнидан силжий бошлайди.

Ўсимталар

Ўсимталар эса кариес ёки протезлаш жараёнида инфексия туфайли тиш илдизи яқинида пайдо бўлган кисталардир. Киста ташқи белгиларсиз ривожланиши мумкин, ва уни даволамаслик бош оғриғидан ҳам жиддийроқ хавф туғдиради. Aгар киста ёрилса, зарарланган моддалар қон оқимига ўтиши мумкин, шунинг учун уни дарҳол олиб ташлаш жуда муҳим.

Милклардаги оғриқлар

Милклардаги оғриқлар тиш атрофидаги тўқималарда яллиғланиш жараёни бошланганда юзага келади. Дастлабки босқичда гингивит, кейинчалик эса пародонтит ривожланиши мумкин. Бу оғриқлар тишдаги касалликларнинг белгисидир ва бош оғриғига олиб келиши мумкин.

Бруксизм

Бруксизм эса тишларни ғижирлатиш одатидир ва бу ҳолат уйқу пайтида ёки муҳим ишга диққат қаратганда кузатилади. Тишларнинг емирилиши ва шикастланиши бош оғриғига олиб келади.

Aқл тишининг чиқиши  

Aқл тишининг чиқиши қаттиқ оғриқ ва яллиғланиш билан кечиб, оғиз бўшлиғида нотўғри йўналишда ривожланиши мумкин. Тишлар эгри бўлса, оғриқ бош мияга ва қулоққа етиб боради. Бу тиш билан боғлиқ муаммолар юзага келганда стоматолог-жарроҳ ёрдами керак бўлади.