Касалликдан кейин организмни тиклаш учун соғлом овқатланишга эьтибор қаратиш муҳимдир. Қуйида тикланишга ёрдам берадиган маҳсулотлар ва уларнинг фойдаси ҳақида бўлишамиз:

Овқат ҳазм қилишни нормаллаштириш учун сабзавот ва мевалар

Мева ва сабзавотлар ҳам антиоксидантларга бой бўлиб, улар организмдан токсинлардан халос бўлишга ёрдам беради.

Кливленд клиникаси кунига камида беш порсия мева ва сабзавот истеъмол қилишни тавсия қилади. Бир порсия мева бир пиёла резаворлар ёки қовун тилими, кичик банан, яримта грейфурт ёки 2 ош қошиқ қуритилган мевага тенг.

Ҳужайраларни тиклаш учун оқсил

Барча ҳужайра, тўқима ва органлар оқсилга бой озиқ-овқатларда мавжуд бўлган қурилиш блоклари — аминокислоталардан иборат. Шу сабабли организм кундалик рационда етарли миқдорда протеин талаб қилади. Гарвард соғлиқни сақлаш мактаби ҳар куни 46 дан 56 граммгача протеин истеьмол қилишни тавсия қилади. Aммо шуни ёдда тутингки, узоқ давом этган касалликдан сўнг сизга бироз катта миқдор керак бўлиши мумкин.

Ёғсиз гўшт, парранда гўшти, балиқ, ловия, тухум, тофу, ёнғоқлар, кам ёғли сут ва сут маҳсулотлари оқсил манбалари ҳисобланади. Тўйинган ёғларга бой қизил гўшт, кимёвий консервантлар ва ортиқча натрийни ўз ичига олган колбаса каби қайта ишланган гўштлардан сақланинг.

Соғлом бактериал фон учун пробиотиклар

Aгар шифокор бактериал инфексияга қарши курашиш учун антибиотик буюрган бўлса, диарея каби ошқозон-ичак трактининг ножўя таьсирига дуч келишингиз мумкин. Бунинг сабаби шундаки, антибиотиклар ичакдаги керакли бактериялар колонияларини ҳам йўқ қилади, улар овқат ҳазм қилишга ёрдам беради ва зарарли бактериялар кўпайишининг олдини олади. Пробиотиклар маьлум озиқ-овқатларда мавжуд бўлган фойдали бактериялардир. 

Иммунитетни ошириш учун таркибида витамин C бўлган маҳсулотлар

C витамини каби озиқ моддалар иммунитет тизимини касалликларга қарши курашда тиклашга ёрдам беради. Бу сувда эрийдиган витамин лимфоцитлар ва фагоцитлар каби оқ қон ҳужайраларини ишлаб чиқаришни рағбатлантиради, улар босқинчи патогенларга ҳужум қилиш ва йўқ қилишга ёрдам беради. C витамини ҳам тана ҳужайраларини шикастланишдан ҳимоя қилишга ёрдам берадиган кучли антиоксидант ҳисобланади.

C витаминининг тавсия этилган кунлик истеьмоли катталар учун 75 дан 90 миллиграммгача, эмизикли аёллар ва чекувчиларга эса кўпроқ керак.

Чарчоққа қарши курашиш учун ичимлик

Кўп миқдорда сув ва бошқа суюқликларни нафақат касаллик пайтида, балки ундан кейин ҳам ичиш муҳимдир. Сувсизланиш чарчоқ, заифлик, бош айланиши ва кўнгил айнишига олиб келиши мумкин. Иштаҳанинг йўқолиши ёки диарея ва қусиш ва ҳатто кечаси терлаш туфайли сизда суюқлик етишмаслиги мумкин, буни дарҳол англамаслигингиз табиий ҳол. Aммо чарчоқ ва уйқучанлик сувсизланишдан дарак беради.