Бугунги кунда шаҳарларда яшовчи аҳолининг аксарияти ўзини сурункали чарчоқ синдромидан азият чекаётганини ҳис қилади. Бу синдром кучли чарчоқ, иш қобилиятининг пасайиши, мушаклар кучсизлиги ва ҳатто узоқ муддатли дам олишдан кейин ҳам йўқолмайдиган доимий чарчоқ ҳисси билан кечади.

Чарчоқнинг асосий сабаблари

Замонавий ҳаётнинг юқори сурьати, экологик муаммолар ва доимий стресс инсон танасининг тикланиш жараёнларига тўсқинлик қилади. Aйниқса, совуқ мавсумларда, ноябрдан апрелгача бўлган даврда, кўплаб одамлар уйқу етишмаслиги ва энергия танқислигини ҳис қилишади. Мутахассисларнинг фикрича, бу ҳолат фақат сурункали чарчоқ билан чекланиб қолмай, бошқа жиддий касалликларнинг белгиси бўлиши ҳам мумкин.

Етарли дам олишнинг аҳамияти

AҚШ Тиббиёт фанлари доктори, Ресторасис клиникаси асосчиси Сандра Далтон-Смит шундай дейди: “Етарлича вақт ухлаш соғлом ҳаёт учун муҳим, аммо бунга амал қилмасдан тананинг тўлиқ тикланишини таьминлашнинг иложи йўқ. Aгар тана узоқ вақт давомида кечаси яхши дам олмаса, хавфли касалликлар ривожланиш эҳтимоли ортади."

Баьзида етарлича дам олсак ҳам, кун давомида чарчоқ ҳисси йўқолмаслиги мумкин. Aгар бундай ҳолат бир неча кун давом эца, организмда хавфли касалликларнинг ривожланиш эҳтимоли ортади.

Сурункали чарчоқнинг аломатлари

Инсон танаси чарчагандан сўнг энергияни тежашга ўтади, бу эса доимий уйқучанлик ҳолатига олиб келади. Сурункали чарчоқдан азият чекаётган инсон қанча кўп ухласа ҳам, танаси етарлича дам ололмайди. Бундан ташқари, бош оғриғи, титроқ ва кўнгил айниши каби аломатлар ҳам кузатилиши мумкин. Шу сабабли, уйқу гигиенасига қатьий риоя қилиш муҳимдир.

Сурункали чарчоқдан қочиш учун ўз ҳаётингизни мувозанатли ташкил қилиш ва ҳар томонлама дам олишга эьтибор қаратиш жуда муҳим. Организм ўзини тиклаши учун биргина сифатли уйқунинг ўзи етарли эмас. Тиббиёт мутахассислари кун тартибида дам олишнинг 6 тури бўлишига аҳамият беришни тавсия қилади, уларга жисмоний, руҳий, ақлий, ҳиссий, эмоционал ва ижтимоий ором киради. Aгар сиз ҳар ой дам олишнинг бир турига вақт ажрацангиз, сурункали чарчоқ синдромига дуч келмайсиз.