Болаларда тана ҳарорати кўтарилса ота-оналар қандай чора кўришни билишлари муҳим, чунки нотўғри ёндашув боланинг аҳволини оғирлаштириши мумкин. Фарзандингизнинг ҳолатини енгиллаштириш ва тўғри ёрдам кўрсатиш учун қуйидаги тавсияларга амал қилинг.

Биринчидан, боланинг кийимларини имкони борича ечиб, енгил кийимлар кийдириш керак. Ҳарорат кўтарилганда болада титроқ пайдо бўлиши мумкин. Бу оддий ҳол бўлиб, болани ортиқча иссиқ одеял билан ўрашнинг ўрнига, уни енгил кийимда қолдириш яхшироқдир. Хона ҳавосини салқинлаш учун вентилятор ёки кондиционердан фойдаланиш тавсия этилади.  
Иккинчидан, болага кўпроқ суюқлик ичириш керак. Ҳароратнинг кўтарилиши организмда кўп суюқлик йўқолишига олиб келади, шунинг учун бола етарли миқдорда суюқлик ичириш зарур. Агар боланинг иштаҳаси бўлмаса, уни овқатланишга мажбурламаслик лозим.

Агар бола ўзини ёмон ҳис қилса, парaцетамол ёки ибупрофен асосидаги иссиқлик туширувчи дорилар бериш мумкин. Бу дорилар боланинг вазнига мос равишда дозаланиши керак: кичик ёшдаги болалар учун парaцетамол 15 мг/кг, ибупрофен эса 10 мг/кг миқдорида берилади.

Уй шароитида боланинг танасини илиқ ёки совуқ сув билан артиш ёки уни илиқ душда ювинтириш ҳам фойда беради. Бу тана ҳароратини тез пасайтиришда ёрдам беради.

Агар чақалоқларда жуда юқори ҳарорат кузатилса, тезда шифокорга мурожаат қилиш зарур.